2010年5月12日星期三

[轉載] 澳洲牛奶公司速食攻略

澳洲牛奶公司, 一間侍應出名臭寸的名牌茶餐廳。

如果閣下對鐵窗生涯存有任何幻想, 想感受監躉式待遇, 你一定要試一試, 澳洲牛奶公司的伙計可以為你提供獄卒式服務。


入場前請先注意以下攻略重點:
1. 早餐快餐常餐,進餐廳前請先行決定

2. 點食物時一定要配合伙計落單程序: 通粉 /意粉 > 多士/方包 > 煎蛋 /炒蛋 > 吃完所有食物才點飲品

3. 千萬不要問有沒有爹牛意,是死罪來的 (為什麼呢?)

4. 和搭枱的食客一定要 "守望相助 ",不可要求伙計協助整理枱面

5. 進餐一定要先吃完一碟再吃另一碟, 避免伙計以為你已經吃完想收走你的碗

警告: 如閣下生性猶疑不決,建議不好光顧澳洲牛奶公司 ,因為鐵定捱罵。



流程:
首先, 你要向店舖外排隊 10-15分鐘, 之後...

伙記: 你兩個 , 企係呢到等。你兩個, 直行入去有位, 行快啲爽手…
伙記: 10號埋~ (指著兩個等位的人 ) 你兩個入黎坐低!
伙記: 食啲咩? (兩秒後 ) 早餐快餐常餐, 哥仔駛唔駃諗咁耐呀 ~
食客 : 咁我要快餐啦 …
伙記 : 講!
食客 : 通粉
伙記 : (一邊飛快落單 ) 講!
食客 :多士炒蛋
伙記 : (繼續落單 ) 講!
食客 : 凍奶茶
伙記 : (一分鐘後)邊個要叉燒通 ,舉手!
伙記 : (一秒後有人舉手)舉快啲呀嘛 ~ (接著將叉燒通放到桌上) 

(剛吃完通粉) 

伙記 : 食完未 ?
食客 : 食 …食完 (碗碟即收)
食客 : 我 …我杯野飲可唔可以帶走呀?
伙記 : 咁即係要外賣杯啦, 早出聲嘛 ~ 10號外賣吉杯一個~
食客 : 埋單唔該

以上過程會在15分鐘內完成...

想知多D, 可以去高登睇下
Related Posts Plugin for WordPress, Blogger...